Mae Colin Daimond yn addysgu, perfformio a chydweithio ar draws ystod o ddisgyblaethau a ffurfiau celf: dawns, ffilm, corau, bandiau pres, DJs, mae’r rhestr yn mynd ymlaen! Mae hefyd yn ymarferydd ac yn athro capoeira, ac yn rhedeg Drumming in Wales, cydweithfa o offerynwyr taro ac addysgwyr sy’n gweithio mewn ysgolion, digwyddiadau corfforaethol a grwpiau cymunedol.

Fel artist amlddisgyblaethol gyda phrofiadau eang mae ganddo ddiddordeb mewn cydweithrediadau creadigol gydag artistiaid, cerddorion a dawnswyr. Mae’n cynnig gwasanaethau ymgynghori i sefydliadau celfyddydol a diwylliannol, ac mae’n agored i ymholiadau gan athrawon ac addysgwyr sydd angen help i ddatblygu elfennau cwricwlwm pwrpasol a phrosiectau allgyrsiol.